Patujolo:
Huria ni Tuhanta dibagasan goar ni Tuhan Jesus Kristus, godang do jolma diportibion selalu mambaen perbadingan marodophon donganna jolma. Parjolo marhite haadongon na di ibana, napaduahon marhite pambahenan dohot parulaonna. On do jot-jot na masa jala tubu di roha ni hita ganup jolma, jala mangiburu do hita molo taida donganta unlobi sian hita, bahkan tubu di roha boasa songoni ? sarampak mangula , sarampak karejo do, alai ibana boi unlobi sian ahu. Tudus tu turpuk jamita diminggunta sadari on namandok:
“Halashon ma Denggan Basa ni Debata”
1. Unang Ho Marungut-Ungut
2. Saluhutna ala asi ni roha ni Debata
3. Alani Halashon Ma Denggan Basa Ni Debata
1. Unang ho marungut_ungut
Huria ni Tuhanta dibagasan goar ni Tuhan Yesus Kristus, adong do roha pangiburuon ni pangula di namardos tahi nasida dohot nampuna porlak i, siala naso dos upah nasida dohot dongan pangula na asing, mamereng di tingki dohot di halajoan nasida. Alai ala parasi roha do napuna Porlak i, jala dilehon do asi ni rohaNa tu angka namangoloi jou-jou ni nampuna porlak i, songon ido nang holong dohot asi ni roha di Debata tu hita naporsea, di jou do hita gabe pangula di porlak na i, ai dilehon do asi ni rohaNa Marthin Luther mandok (Sola Gracia). Huria ni Tuhanta na nihaholongan dibagasan Goar ni Tuhan Jesus Kristus, Adong piga hal umbaen hita boe marungut-ungut:
> Siala so dapot hita nataparsinta
> Siala dang hirim tu rohanta
> Sialam dang adong upah ni halojaonta
On do jot-jot mambahen hita gabe tubu di roha naso marterima diangka kenyataan. Marsak do hita molo unggodangan pasu-pasu diangka dongan, isarana: sogo rohanta mamereng molo gabe na ni ula ni dongan, sinur napinahan, torop ni angka pinompar dohot angka lan na asing.
2. Saluhutna ala asi ni roha ni Debata
Huria ni Tuhanta, Parasi roha do nampuna porlak i. pola umbahen laho ibana mamereng angka jolma naso adong ulaonna, laos di arahon tu porlakna laho karejo jala di lehon upa na tama (Ayat 4” Ua dohot ma hamu tu porlakki! Hulehon ma tu hamu na tama”.
Gombaran nampunasa porlak i ima Debata, diarahan do hita asa gabe parsidohot gabe pangula di porlak ni Debata. Sasintongna atik pe dang layak hita parsidohot hian dohot gabe pangula di porlak ni Debata alai dijou jala dipillit do hita asa parsidohot di ulaon ni harajaon ni Debata.
Songon jolma nangongong hian hita naso adong mamparrohahon hita baik secara panjouon dohot panarion ngolu siganup ari dihita, alai Tuhan Jesus Kristus peduli do tu hita mangalean denggan basa-Na tu hita marhite diarahon hita parsidohot tu porlak anngur ni Debata.
Molo tabereng di turpuk jamita minggunta sadarion, diida Debata do hita jala ditawarhon asi ni rohana atik pe sasintong na dang na apala hahurangan pangula Debata. Sasintongna Debata mangalului angka parkarejo asa mangalehon bohal siapari do tu nasida marhite asi rohana tu nasida.
Tudos do i songon ditingkion, disarihon Debata do dihita saluhut angka na ringkot i do ngolunta, marhite pasu-pasu ni Debata na tajalo namarragam i dibagasan ngolunta, isarana: sipanganon, parabiton, ianakkon, keluarga, hosa hangouluan, cita-cita, harapan dohot angka lan naasing na disahaphon ni Debata tu hita angka jolma na ni asian- Na. Dang mardia imbar hita diadopan ni Debata taringot panarion ni Debata di pasupasuna tu hita saluhut jolma, namora manang na pogos, naganteng manang naso uli, nasempurna fisik manang naso sempurna fisik, alai taringot tu pasu-pasu ni Debata sar tu saluhut jolma na ni asian-Na.
Huria ni Tuhanta na ni haholongan dibagasan goar ni Tuhan Jesus Kristus, aha do boe sipelajaronta sian perumpamaan ni Hata ni Debata on ?
1. Tontong do dijou Debata hita sahat tu bot ni ari asa dilehon kesempatan tu hita
mandapot upa. Upa na songon dia ? ima haluaon mandai denggan basa ni Debata
marhite haluaon napinatupana tu hita jolma.
2. Ibana berhak do mangalehon manang aha pe tu hita, tu ise pe, jala sagodang dia
pe i. Jala dang pola hita marungut-ungut disaluhutna i, alana hak ni Debata do i.
3. Ibana mangalehon jala manarihon ngolunta songon panarion ni Debata tu halak
nangongong i naso marlobi-lobi dalam artianna memberikan kebutuhan dengan
secukupnya.
4. Songon Ibana napanari dingolunta tontong ma hita pe marpanari di angka dongan
na humurang.
3. Alani Halashon Ma Denggan Basa Ni Debata
Ngolu i ingkon manghalashon aha na adong (Syukuri apa yang ada) ala ngoluntaon basa-basa do i.
Unang arsakhon sude namambahen arsak ni rohami, alai halashon ma aha nanilehon di Debata dingolu mi. Songon Debata namangalean denggan basa dingolunta on, songoni ma hita manghalashon i sude. Hita jolma naung dilean asi ni rohana, Alani halashon ma denggan basa ni Debata.
Alani ni tabungka ma Buku Ende No. 503 : 1 + 3.
No comments:
Post a Comment