EVANGELIUM (XX DUNG TRINITATIS): "MIAN JALA MANGOLU MA HITA DIBAGASAN HATA NI TUHAN JESUS" - (NATS: Johanes 8 : 31 - 36) || MINGGU, 25 OKTOBER 2020 ||

Patujolo:

Huria ni Tuhan namarlas ni roha dibagasan goar ni Tuhan Jesus Kristus, sada apul-apul namangkorhon silas ni roha napinatupa ni Tuhan Jesus Kristus tu hita saluhutna marhite sada kepastian diangka namian di hata-Na namangkorhon haluaon namanontong. Alani marhite turpuk sadarion, huenet hami do pangondolan ni jamita namandok:

Tema : Mian Jala Mangolu Ma Hita Dibagasan Hata Ni Tuhan Jesus

1. Hatoban Ni Dosa Do Ganup Namangulahon Dosa

2. Asa Malua Hita Hinorhon Ni Anak- I

3. Alani Mian Jala Mangolu Ma Hita Dibagasan Hata Ni Tuhan Jesus

1. Hatoban ni Dosa Do Ganup Namangulahon Dosa

    Huria na marlas ni roha dibagasan goar ni Tuhan Jesus, kebanggaan do molo boi hita pomparan manang keturunan keluarga na terhormat, namora jala natarbarita. Halak Jahudi pe mansai bangga do ala pomparan ni si Abraham nasida natarbarita ama ni na porsea jala bangso na pinillit ni Debata gabe bangsona. Alai molo pinamanat do sejarah, jot-jot do bangso i, manundalhon Debata marhite napangalaho na so ni halomohon ni Debata. Adong do piga-piga hali tarbuang bangso Israel tu parhatobanan ni bangso na asing alani pangalaho nasida. Ditulak nasida do angka panurirang, jala dao do pangalaho nasida sian hasintongan (Hata ni Debata). Holan Goar do nasida pomparan ni si Abraham, alai holip do sian ngolu nasida songon pangalaho ni si Abraham. Dingolu ni ha Kristenonta pe, boe do godang si banggahononta, ala sian kelurga ni Pandita, family ni Parhalado manang na Ompunta, natua-tuanta sibahen nadenggan di Huria na jolo, alai las ma rohanta disi, hasurungan do i dihita. Baliksa molo gabe holan goar na so marimpola do i, ndada gabe mangonjar hita laho patupa angka na denggan. Marisuang mai, gabe arsak dohot jut ni roha do natubu sian i.

Gomos do ditiop halak Jahudi napomparan ni si Abraham nasida, alai pangalaho nasida ndada hombar tu hata ni Debata. Ido asa didok Tuhan Jesus : Molo Mian Hamu Dibagasan Hatang-Ku, Sintong ma hamu sisean-Ku. Ndada dapot hita hasintongan, molo so sian hata ni Debata. Molo mangolu hita dibagasan hata ni Debata, tanda on ta do hasintongan i, jala marhite hasintongan i do, gabe haluaon dihita.

Tung pe nung leleng hita gabe Kristen, sisoada do saluhutna i molo so mian hata ni Tuhan Jesus dingolunta. Gabe mamparkorhon do i hita gabe hatoban ni Dosa diangka naso olo mian dihata ni Tuhan Jesus. Godang do hita mandok anak ni Debata hita, sisean ni Tuhan Jesus hita, alai molo disulingkiti ngolunta ganup, godang dope hita holan sebatas goar songon angka halak Jahudi satiha i namangasahon goar ni si Abraham. Hape holan sebata cover manang luar do hita kristen alai pangalaho dang sintong dope hita songon sisean nasintong di Tuhan Jesus.

Songon buku ni Ende ta namandok: di BE. 182 “Kristen ahu hape hutondong dalan hamagoan”. Jot-jot do hita mambanggahon dirinta diangka motivasi nasala, sehingga hita dang sintong mangolu songon sisean ni Tuhan Jesus.

II. Asa Malua Hita Hinorhon Ni Anak I 

Dihata ni Tuhan Jesus bahwa nasida porlu di palua sian ihot ni Dosa. Dang Adong Jolma di hasiangan on sanggup paluahon dirina sandiri sian ihot ni dosa. Holan Tuhan Jesus do na tuk paluahon hita sian ihot ni portibion, ima namangingkat hita maol malua sian dosa.

Huria ni Tuhan namarlas ni roha, marhite pangajaran ni Tuhan Jesus Kristus napatorangkon tu hita saluhutna, asa molo mian hita di hata-Na, marhuaso do hata-Na laho paluahon hita sian ragam na mangihot hita diportion. Molo mian hita dihata ni Tuhan Jesus Kristus, marhuaso hata ni Tuhan Jesus laho mangajari hita tu hasintongan na paluahon. Paluahon hita, namboan hita tu silas ni roha ima haluaon na pinatupa ni Tuhan Jesus Kristus tu ganup ngolu ni hita jolma naporsea di Ibana jala na mian hita di hata-Na.

Hak istimewa dihita saluhutna diangka sisean ni Tuhan Jesus nasintong, tangkas do taboto hasintongan.

Haintongan na diajarhon Jesus marhuaso paluahon jolma (Yes. 61:1). Hasintongan napaluahon hita sian hasalaan maradophon dosa, na gabe alani hita diihoti tu paruhuman ni Debata, jala di ihot di bagasan habiaron-habiaron na mansai ngeri.

Jala mananda, manjangkon dohot manghaporseai hasintongan on sintong-sintong napaluahon hita, lao paluahon sian angka hasalaan, pambahenan nasotama, hajahatonta dohot angka lan naasing na gabe manjorat hita tu paruhuman manang tu hamatean ni tondinta. Malua sian ginonggoman ni bangko hadagingon. Haluaon i paimbaruhon jala paulihon hita gabe tunduk tu Panompanta. || (2 Korintus 3: 17) ||

Didok hata ido, molo dipalua Anak I hamu, malua situtu hamu ! Namarlapatan amang inang, bahwasana holan Jesus do na tuk paluahon ho sian ihot ni Dosa namambaen ho dao sian Debata. Holan Jesus na tuk natuk paimbaruhon ho marhite hata-Na naung mian dingolum, holan Jesus do na tuk pademon ho, holan Jesus do nu tuk mangalean haluaon situtu di ajal ningolum ima haluaon namanontong ro disaleleng ni lelengna. Dang tung adong dihasiangan na tuk paluahon ho sian saluhut belenggu ni ngolu namangihoti ngolum anggo so Jesus na paluahon ho.

III. Alani Mian Jala Mangolu Ma Hita Dibagasan Hata Ni Tuhan Jesus