EVANGELIUM MINGGU SEXAGESIMA: TAPARADE MA ROHANTA MANJALO HALUAON I (LUKAS 1 : 27 - 36) || MINGGU, 07 PEBRUARI 2021 ||

                                                                       EVAGELIUM / JAMITA

MINGGU SEXAGESIMA (60 Hari Sebelum Kebangkitan Tuhan Yesus)

Minggu, 07 Pebruari 2021

  

PATUJOLO

Somalna bangso Jahudi ima sada bangso namaiop togu ruhut-ruhut ni paradaton dohot paminsangion na ketat hombar tu aturan dohot adat istiadat ni bangso Jahudi. Isarana molo adong do sahalak na mangulahon naso tama hombar tu aturan dohot ruhut-ruhut namasa di tongani bangso i, dipamasa do uhuman tu ganup namangose ruhut-ruhut dohot aturan napinamasa hombar tu adat ni Jahudi. Contohna: Mardenggan daging manang mardenggan pamatang ma sada anak boru nasomarhamulian dope, diuhuhum do nasida jala di pinajonjong dijolo ni torop halak jala diganguri dohot batu asa mate (5 Musa 22 : 23 - 24). ima sada konsekuensi dibangso i, asa manat jala maniop togu ruhut-ruhut paminsangion dibangso Jahudi.

Molo tapaihut-ihut turpuk on, tangkas do taboto si Maria pillit Debata ibana asa gabe dalan parhitean pasauthon sangkap ni Debata tu haluaon ni saluhut Bangso na dihasiaongan on, songon na binagahonna hian dipadan narobi. Ia si Maria ima sahalak boru sian garis keturunan ni si Daud na tinggal di Nazaret sada kota di Galilea, ima sada inganan nametmet jala naterpencil di huta i. boe dohonon sada inganan natertinggal, baik parbinotoan dohot angka lan naasing. Jolma biasa do si Maria, sederhana naso mamora alai dipangke Debata asa gabe parhitean patubuhon Jesus Kristus sipalua I tu portibion.

Sialani Do di jamita Mingguta sadarion Ditogu hita marhite pangarimpunan ni Jamita namandok:

TAPARADE MA ROHANTA MANJALO HALUAON I

 

I.  UNANG HITA MABIAR

Jot-jotan do songgot roha ni jolma molo masa tompu naso hea ni hirim , alai ingkon masa. Isarana: “Covid - 19” manang digoari ma i Corona Virus manang na bondil. Sada naso hirim , sada naso tinagam, sada naso binoto hian, sada naso hea benega, alai ingkon masa sehingga gok jolma busisaon, gok jolma tepar di rumah sakit alani namasaon. Sehingga marhite angka peristiwa manang kejadian nasonggot ro, napola mambae gok jolma mate ganup ari. Ido umahen angka barita namasa diportion, lam mambahen tubu roha biar ni jolma sanga songgop namasai tu ahu, keluargaku dohot angka nahuhaholongi, tarlumobi ma ditingki diperhadaphon hita tu hamatean.

Alai diturpuk on dipargogoi hata ni Debata do hita marhite apul-apul, ima sada barita silas ni roha nabinoan ni suru-suruan ni Debata napaposhon rohanta asa unang mabiar hita. Tung ragam namasa dihasiangan on namambahen jot-jot hita dang sanggup hita mangadopi sitaonon naborat i, alai hita ingkon do tetap manghaposi apul-apul ni Debata marhite suruan ni Debata namangalehon tu hita silas ni roha mangadopi angka situhukon naborat i.

Songoni do nang si Maria, sasintong na borat do di si Maria namasa on, ingkon gabe-gabean ibana jala tubuan anak, hape dang dope marhasohotan ibana, boe dohonon boru-boru namarbaju dope ibana na laho bertungan dohot si Josef. Dang adong dope hubungan suami - istri na sah nasida, jala si Maria sada boru-boru na bonar marroha namarhadaulaton na namabiar tu Debata, jala sialani i do dang mungkin si Maria mangulahon naso tama, tarlumobi sebagai keturunan ni halak Jahudi ibana napastina pasidingonna do dirina asa unang hona ruhut jala hona uhum ibana hombar tu ruhut ni halak Jahudi. Atik songoni, sangkap ni Debata tu si Maria ingkon do saut laho pasingkophon sangkap ni Debata asa gabe jolma Ibana, jala mamboan haluaon namanontong ro disaleleng ni lelengna di saluhut angka bangso.

Secara hajolmaon ni si Maria, songgot do rohana jala sanga do tubu roha biar di ibana dinalaho manjalo manang patulushon sangkap ni Debata marhite ibana. Mungkin sahali dipingkiri rohana do “dang mungkin i” alai dipapos suru-suruan ni Debata do Ibana marhite naeng tubu I, ima Jesus narhamarhasangapon i, nasorasuda harajaon-Na.

Dung dipeop si Maria hata i, ima hata pos ni roha, hata apul-apul jala hagogoon i, dijalo ibana do sangkap ni Debata dibagasan ngoluna hombar tu sangkap ni Debata. Borat pe na tapeop hape molo marpos ni roha di hita dihata Debata napastina sanggup do hita mamorsan sitaonon naborat i. Saluhut na hita ruas ni huria GKLI Resort Dolok Sanggul 1 on, unang mabiar hita dingolunta, manang aha pe naingkon masa tijoloan ni ari on na ingkon tadalani, di papos Tuhan i do rohanta marhite hatana asa margogo hita mandalani ngolunta. Unang mabiar hita, sahit, arsak, tangis, holsope, margogo do hita ala ni hata Tuhan i mangalean hita apul-apul nasumurung i.

Pos ni roha ni si Maria i Gabe teladan ma i di hita, napataridahon sangkap ni Debata do ingkon masa di Ibana, na so guru hombar tu lomo ni roha ni si Maria (patoru diri).

 

II. AI ASI DO ROHA NI DEBATA DI HITA 

Tangkas jala patar do holong ni roha ni Debata di hita jolma, pola do Ibana memproklamirhon hahororo ni haluaon i marhite Suruan-Na (Gabriel) asa pabotohon sangkap ni Debata tu si Maria. Dison tarida do Inisiatif ni Debata taringot tu haluaon ni hita bangsona nunga pasti, jala mutlak do i dipataridahon Debata marhite Debata sandiri na bertindak paboahon tu suru-suruan i (Gabriel) asa didapohothon si Maria, sehingga patarma sangkap ni Debata pataridahon holongna tu hita saluhutna na ni asian-Na.

Tama do hita di asi i Debata, tama do hita mandapot asi ni roha sian Debata, alana hita jolma pardosa do hita, songon hata ni suruan i tu si Maria (Tabi ma di ho nani asian, dapotan asi ni roha do ho di Debata). Namarlapatan do i: jolma na somarlapatan do sasintongna hita hian, jolma na tahu diri, jolma si mago do hita, alai Debata asi do rohana tu hita. Tarida do i, na olo ibana Gabe jolma, ditubuhon jolma Ibana, asa gabe daging Ibana lao patulushon sangkap Na, ima ulaon namangkorhon Pengorbanan asa malua hita sian ginonggoman ni Dosa jala mardame hita dohot Debata.

Sangkap ni Debata ima haluaonta, jala dison ma hita rade manjalo haluaon i sian Debata dibagasan Kristus Jesus Tuhatai. Denggan basa do i dihita, naso mangkorhon ala ni gogo dohot hapistaron i tajalo (Efesus 2 : 8 - 10) alai holan alani asi ni roha. Alani patut do hina mandok mauliate tu Debata, mabuka roha mangauhon hata ni Debata jala mameop hata ni Debata na tabegeon, Ala arga do hape hita di Debata.

Haroro ni Tuhan Jesus Kristus Mamboan haluaon tu hita saluhutna, jangkon ma i dibagasan haposeaon dohot pangkirimon asa marparbue i ngolunta. Molo tapeop pambahenan ni Debata marhite Jesus Kristus di ngolunta napastina rade do hita haluaon i sogot di hita namangauhon denggan Basa ni Debata di hita, namangauhon Asi ni roha ni Debata di hita.

Jambarta ma hangoluan, marsonang jala mariaia tondita di harajaon ni Tuhan i, namanotong i, ima harajaon nasorasuda. Molo tung pe adong ditong-tonga ni ruas ni huria merasa gok angka arsak holso pe, frustasi, merasa tidak dihargai, lungun, sedih najotjot namambahen hita gabe magale, ingot ma Tuhan Jesus Peduli do tu ho natuk mangapuli ho, asi do roha-Na diho. Semangat ma hita, las ma roham Ala ni Tuhan Jesus Kristus.

 

III. ALANI TAPARADE MA ROHANTA MANJALO HALUA ON I

 

 

* AMEN *

|Tuhan Yesus Memberkati, Shalom :) |