EVANGELIUM / JAMITA
GOAR NI MINGGU : XIV (Setelah Trinitatis)
Pada : Minggu, 13 September 2020
Nats : Matius 18 : 21 - 35
* Patujolo
Huria ni Tuhanta na ni haholongan dibagasan Goar ni Tuhan Jesus Kristus, molo ditapaihut-ihut pardalanan ni ngoluon, dang adong jolma naso hea tarrimas, maraccit niroha, jala naso hea sogo rohana mangida sada halak donganna jolma. Baik mai sian pardonganon, keluarga, tetangga, bahkan dibagasan dibagasan rumah tangga i sandiri pe, boe do masa i saluhut na hombar tu masa dohot tingki na be. Unang-unang gabe tubu sada prinsip namandok: siapa lo siapa gue, namangkorhon maol marsisesaan dosa alani marningot pambahenanna nasailaon !
Alani hombar tu turpuk jamita dimunggunta sadarion, disosoi do hita marhite pangongdolan ni Jamita na mandok:
TEMA : “SESA MA DOSA NI DONGAN MU JOLMA”
1. Sogo do roha ni Debata diangka na so olo manesa dosa ni Dongan Jolma
2. Songon Debata namanesa dosanta, songoni ma hita manesa dosa ni donganta jolma
3. Alani marsisesaan Dosa Ma Hita Maradophon Donganta Jolma
I. Sogo do roha ni Debata diangka na so olo manesa dosa ni Dongan Jolma
Huria ni Tuhanta na ni haholongan dibagasan goar ni Tuhan Jesus Kristus, andorang so sahat hita diturpuk on, sebelumna nunga hea Tuhan Jesus patorangkon taringot tu ayat on ima di Mateus 6 : 14 - 15 “ Ai ia disesa hamu sala ni halak na dompak hamu, sesaon ni Amamuna na di banua ginjang i do dohot dosamuna. Alai anggo so disesa hamu sala ni halak na dompak hamu, ndang tagamon sesaon ni Amamuna nang dosamuna.”
Dipaingot hita muse ditupuk on, marhite sada sungkun-sungkun ni si Simon Petrus tu Tuhan Jesus namandok: “Piga hali do sesaonku sala ni dongan ku na dompak ahu ? Pitu hali do ?”
Molo tabereng si Simon Petrus, dirimpu rohana pasesahon Dosa ni dongan 7 hali nga cukup saleleng ngoluna. Hape berbeda jauh do pandohan ni Tuhan Jesus namandok 70 x 7, namarlapatan Pasesahon Dosa ni dongan dang adong batasan, setiap hari selalu mengampuni.
Setiap Dosa na taulahon ima utang maradophon Debata, dang songon utangta maradophon donganta jolma, nadiulahon ala ni maninjam manang manuhor, alai utang maradophon tu salahak raja. Dibagasan turpukon, tangkas do ta ida songan sada raja laho mardabudabu dohot angka naposona, namarlapatan do i bahwa Debata saonari manuntut pertanggungjawaban marhite ias ni rohanta.
Utang Dosa ima utang naumbalga, jala piga-piga halak laho pausunghon saluhut utang na lobi umbalga, jala umborat hinorhon ni hita na so olo manesa dosa maradophon dongan. Taida ma dibagasan ayat 23, ditingki sahalak raja laho mardabudabu dohot sahalak naposona namarutang 10.000 talenta. Dang adong sahalak pe naboe menghindar sian angka keadilan, alani dosa-dosanta nunga disurathon tung mansai tangkas.
Taida ma Songon dia dosanta i :
1. Tung mansai balga do dosantai,
2. Godang ni Utangta i tung luar biasa balgana
3. Utanga ni dosantai tu balga sehingga hita dang boe manggarar / mangalunasi
Songon dia do upani dosanta i ?
1. Digadis (ayat 25) , namarlapatan dang mararga gabe budak manaon naporsuk,
hinorhon ni pambahenanta.
2. Ingkon manggarar utangna,
Huria ni Tuhanta namarlas ni roha, sude hita ingkon manangkasi diri, unang adong be ditonga-tonga ni huria nang dihita saluhutna adong be namarsogo ni roha, marhaccit ni roha, manimpan hasalaan ni halak, dohot angka lan na asing namambaen hita gabe manait tu dosa. Molo tung pe adong dirohanta tangiangkon jala pasesahon ma saluhut na i sian nasa roham.
II. Songon Debata namanesa dosanta, songoni ma hita manesa dosa ni donganta jolma
Diayat 33 didok “ nda ingkon songon i ma ho nian marasi ni roha didonganmu naposo, songon ahu na marasi roha di ho!”
Huria nanihaholongan dibagasan Goar ni Tuhan Jesus Kristus, dipodahon do tu hita asa tontong marasi ni roha maradophon donganta jolma songon Debata namarasi roha manesa saluhut utangta ni dosanta. Tung pe maol tahilala manesa dongan dongan, alai ingkon do hita boe pasesahon i nasomangkorhon balosna. Songon hata ni Debata namandok di Roma 12 : 17 - 21 namandok: “ Unang baloshon hamu na jat alo ni na jat; ringkoti hamu ma na denggan di jolo ni halak saluhutna! Molo tarbahen, intap na tarpatupa hamu, tiop hamu ma dame maradophon halak saluhutna! Hamu, angka na hinaholongan, unang hamu marlulu; pasahat hamu ma rimas i (tu Debata), ai tarsurat do: "Di Ahu do pamaloson, Ahu pe mamaloshon, ninna Tuhan i." Onpe, jumpa male musum, lehon ibana mangan; jumpa mauas ibana, painum! Ai songon na pagukgukkon gara do ho tu atas uluna, anggo dibahen ho songon i. Unang ma talu ho dibahen hajahaton; alai taluhon ma hajahaton i marhitehite na denggan.
Ingkon tahilala do dingoluntaon songon Debata naung parjolo patuduhon holong na tuhita, pola Ibana mengambil alih sahut utang ni Dosanta asa malua hita. Hita pe ingkon mangkilala pambahenan ni Debata dingolunta, marhite manghaholongi dongan sebagai wujud songon hita manghaholongi Debata. Margogo manesa dosa dongan ni namarsala tu hita.
Di II Korintus 2 : 7 didok “ Onpe, balik ma tagonan hamu manesa dosana jala mangapul ibana, unang dibondut arsak ni roha na torbang i ibana”
Didok muse di Efesus 4 : 22 “ Alai gabe na basar ma hamu sama hamu, angka parasiroha; masisesaan dosa ma hamu, songon panesa ni Debata di dosamuna di bagasan Kristus”
Kolose 3 : 13 “ Masipauneunean jala masisesaan dosa ma hamu, jumpa marpangkurangi na sada dompak donganna; songon panesa ni Kristus di hamu, songon i ma nang hamu”
Ditingki tabege jamita on, margogo ma hita laho mangulahon saluhutnai. Martua ma na tumangihon hata ni Debata jala naumpeopsa. Amen
III. Alani Marsisesaan Dosa ma Hita Maradophon Donganta Jolma.
No comments:
Post a Comment