EVANGELIUM MINGGU, 04 OKTOBER 2020: PATARIDAHON MA PARBUE NADENGGAN DINGOLUM (Nats: MATEUS 21 : 33 - 46)

  

Patujolo

Shalom !

Huria ni Tuhanta dibagasan Tuhan Jesus Kristus, pada dasarna jolma dang lepas sian tugas dohot tanggung jawab, boasa boe songoni ? Alana i ma termasuk salah satu sifat dohot ciri khas ni hita jolma natinompa ni Debata sian angka natimpompa na asing. Tugas ima ulaon na naeng siulahonta, alai tanggung jawab ima kesadaran ni jolma taringot tu pangalaho manang pambahenan na disengaja manang pe na so disengaja. Boe dohonon tugas dohot tanggung jawab i sandiri berarti rade majalo kewajiban dohot barani manjalo resiko sian angka hasil nataula manang kewajiban na taulahon. Memang sederhana do taringot tu tugas dohot kewajiban antusonta jala mura, alai mangulahon on ma naummaol dang samura songon pandohanta ingkon tarida sian parbue ni parulaonna. Alani do marhite turpuk jamita diminggunta sadarion dipodahon do tu hita:

 

TEMA :

PATARIDAHON MA PARBUE NADENGGAN DINGOLUM

 

1. Dibuat Do Harajaon Ni Debata Sian Hita Naso Olo Namarparbue

2. Hot Harajaon ni Debata Diangka Na Olo Marparbue Nadenggan

3. Alani Pataridahon Ma Parbue Nadenggan Dingolum

 

1.  Dibuat Do Harajaon Ni Debata Sian Hita Naso Olo Namarparbue

Huria ni Tuhanta na nihaholongan dibagasan Tuhan Jesus Kristus, molo tapaihut-ihut dibagasan turpuk on, sada namora namamungka porlak anggur na i, ima Gombaran ni Debata do i.  Sude nasa na ringkot di porlak i nunga rade  dohot angka fasilitas ni porlak i sude nunga singkop saluhut na i. Tarida do i marhite marhite (ay. 33^b) bahwasana sahalak namora namambukka ladang i, manghandang porlak i, dihali pangilangan dibagasan dohot dipauli gudangna.

Alai ditingki dung singkop saluhut, dipasahat ma tu pangula jala marhuta sada ma namora i. aha si idaonta sian on ? bahwasana pangula i dititik berathon marhite tanggung jawab mangurus dohot merawat porlak anggur ni namora i asa marparbuehon nadenggan. Dipasahat pe tu pangula i ulaoni , bukan berarti sahalak namora i mamillit halak naso diantusi taringot tu namangula, napastina nunga difasilitasi dohot kemampuan laho mangula tu ulaon i.

Tanggung jawab ni pangula i memang tung borat do sasintongna, na ingkon pola menghabiskan waktu dohot tenanga, pingkiran laho merawat dohot manjaga porlak anggur i asa boe nian marparbue nadenggan hasil ni porlak anggur i.

Huria ni Tuhan nanihaholongan dibagasan Tuhan Jesus Kristus, diudutna i dung Jumpa tingki mambuat parbue, disuru parporlak i do naposona laho monopot pangulai manjalo parbue na. Alai aha do nagabe respon ni pangula i maradophon angka naposo ni namora nampunasa porlak anggur i? boe taida di ayat 34-37 bahwasana dipusa jala bahkan anak ni nampunasa ugasan i pe dibunu. On gombaran do on marhite pemberontakan ni angka pangulai maradophon namora nampunasa porlak anggur i, jala muse boe taida diturpuk on bahwasana tanggung jawab ni pangula i dang diulahon hombar tu hinirim ni namora nampunasa porlak anggur i.

Hasalaan ni pangula i nunga tung mansa i Fatal balga situtu marhite:

1. Naso dipenuhi tanggung jawabna maradophon namora i

2. Egois jala naeng sai manggulut tudirina

3. Mambunu jolma naso marsala

 

Huria ni Tuhanta na nihaholongan ni Tuhanta Jesus Kristus, sude angka tudosan napinatorang ni Tuhan Jesus Kristus on, sasintong na on manggormbarhon taringot tu angka  pangalaho ni sintua ni malim, siboto surat, Sintua ni bangso Yahudi satiha i naso pataridahon ngoluna nasomarpabue. Nasida guru dohot panogu-nogu ni bangso i, nasepantasna ingkon mambaritahon ulaon harajaon banua ginjang, natangkas umboto taringot tu hata ni hata ni Debata dohot lomo ni rohani Debata jala patuduhon parbue ni ngolu na denggan namarhonanaan tu lomo ni roha ni Debata,  alai nasida do tumundalhon. Seharusna angka sintua ni malim dohot angka sintua ni bangso Yahudi berperan laho manogu-nogu angka ruas ni Debata mananda Ibana nasinuru ni Debata, dang gabe sipangambati. Bahkan angka malim dohot angka sintua ni bangso i justru naeng mamarsilangkon Tuhan Jesus (ay.42)

 Barita silasniroha, barita haluaon, barita hamubaon ni roha nunga dipasahat angka panurirang tu bangso i jala barita hahesaan dosa dohot haluaon nunga dipapatar marhite haroro ni Tuhan Jesus, alai tong do dang dijangkon rohani nasida. Seharusna nasida do nian napatariashon denggan basa ni Debata alai gabe holip do i marhite naso olo marparbue nadenggan ngoluna. Jambar ni angka so olo marparbue nadenggan, naso mangulahon ulaon harajaon Banua Ginjang, dang layak parsidohot diharajaon banua ginjang manang uhuman do nagabe jambarna dohot hamatean.

Alai pos ma rohanta diangka na olo marparbue pasti do hot Denggan Basa ni Debata, Alani bagian paduahon didok:

 

2.  Hot Harajaon ni Debata Diangka Na Olo Marparbue Nadenggan

Diayat 43 ^c didok: lehonon ma tu bangso na olo mamboan parbuena. Huria ni Tuhanta dibagasan Goar ni Tuhan Jesus Kristus, harajaon banua Ginjang rade do dihita saluhut na na olo marparbue, marhite tarida hataridaan na naung porsea di Tuhan Jesus Kristus, naung mambege hata ni Debata jala namangauhon dohot mangulahonsa dibagasan ngoluta, dohot napataridahon pangalaho nadenggan siganup ari maradophon dongan jolma. Hita naung dibasabasahon Debata marhite Harajaon Banua Ginjang tu hita saluhutna, bertanggung jawab do hita patariashon parbue ni haporseaonta i maradophon dongan, parsidohot panogu-nogu diangka dongan nahumurang dohot nagale, dimarungkil dohot nihaccit, asa didia mangalangka gabe mampangkorhon na denggan.

Tuhan Jesus Kristus nunga patariashon barita haluaon marhite hamatean dohot haheon-Na, jala mangalean tuhita 2 pilihan (ay.43-44)

1. Namanolak, ingkon mate

2. Namanjalo harajaon ni Debata, diangka na olo marparbue

Saonari adong 2 pilihan, mangolu hita marparbue asa manjalo harajon ni Debata manang mangolu dang marparbue alai mangkorhon tu hamatean.

Hirim roha sude do ra mangkirim tu ngolu marparbue nadenggan jala manumpak tu hangoluan na seleng ni lelengna. Mandok mauliate ma hita tu Debata alani Tuhan Jesus Kristus, pola do tahilala pambahenana tu hita namanumpak tu haluaonta marhite na olo hita marparbue nadenggan dingolunta.

 

3.  Alani Pataridahon Ma Parbue Nadenggan Dingolum

Unang dirimpu roham molo status , jabatan dohot kedudukan na bersifat rohani mambahen ho merasa jago, jala naung merasa nampunasa ugasan ni porlak anggur i. Alai pataridahon ma parbue ni ngolum tanda na ho naung manjalo ngolu harajaon banua ginjang i dingolum, anggo so adong parbue dohot hataridaanna, omong kosong do i, dang ala ni statusta mambahen hita gabe asa diperhitungkon Debata hita, alai nadiperhitungkon sian hita ima na olo marparbue.

Alani pataridahon ma parbue nadenggan dingolum * Amen *