Patujolo:
Huria ni Tuhanta na ni haholongan dibagasan Goar ni Tuhanta Jesus Kristus, ragam do angka pangalaho ni jolma nadihasiangan on. Adong do namura murukan, adong namura mardandi, adong do angka naburju marroha, adong do nalambok marroha, adong parasi roha, adong sigodang roha, dohot angka lan na asing. Tarlumobi songon dibagasan turpuk sadarion songon sada pangalaho ni siboto surat maradophon Tuhan Jesus, ima pangalaho manang sikap na so tama, na diulahon nasida marhite nagabe kompromi dohot angka halak Herodean (Kelompok Politikus Pendukung Herodes) lao manjorat Tuhan Jesus marhite sada sungkun-sungkun nalao mangunjuni Tuhan Jesus Kristus. On manggombarhon pangalaho naso terpuji dohot sikap na so denggan. Alani diondol hon tu hita marhite turpuk sadarion namandok:
Tema : ULAHON MA NADENGGAN DINGOLUM
1. Unang Ho Gabe Pangunjuni Didongan mu Jolma
2. Pasahat ma natama na ingkon sipasahaton mu
3. Alani Ulahon Ma Nadenggan Dingonlum
1. Unang Ho Gabe Pangunjungi Didongan Mu Jolma
Boasa ma tubu diroha ni jolma na laho mangunjuni dongan na jolma ?
> Dang tarjalosa pandapot ni angka dongan
> Ala sogo rohana marnida donganna
> Ala naing ibana mangatur hombar tu rohana
> Naeng mandabuhon donganna
> Merasa dirina napaling tingkos
> Merasa paling ummalo sian angka donganna
Halak Farise (namarlapatan: napadaohon diri) ima angka kelompok awam na mangkaringkothon haimbaruon ningolu partondion. Nasida patotophon angka peraturan songon paiashon / mambasu, parpuluan dohot angka lan na asing. Halak saduki (namarlapatan: na sintong) ima kelompok natarlatik manang terdidik na marasing pandapot dohot halak Farise. Nasida sebagian besar anggota ni Sanhedrin, napatandahon cara marpingkir ni halak Junani, alai holan mangakui 5 Buku ni si Musa, jala namanulak haheheon, jala naso mangangkui pandonganion ni Debata dingoluna, alani porsea bahwa jolma adong kemampuan laho mamillit. Nadua kelompok dohot Herodian ima na manungkun tu Tuhan Jesus. Alai sayang nasida dang mangalului hasintongan/ hatigoran, alai berusaha mangalului hasalaan sian alus ni Tuhan Jesus. Halak namangula dipartondion songon halak Farise dohot halak na rasional songon halak Saduki, sarupa do jogal ni pangalaho nasida.
Dingolu siganup ari pe, jot-jot do masa jala tubu pangalaho sisongon di lingkungan kehidupanta. Godang do jolma dang mangkalomohon hita manang gabe sisogo hita diangka ulaon manang pambahenan nadenggan nataulahon. Sehingga berupaya do halak nasomangkalomohon hita lao mambahen mandabuhon hita. Baik mai secara langsung maupun mental. Nang songoni do tong di bagasan Huria, jot-jot do masa angka parbolaton marhite angka provokasi namasa sian angka pihak naasing nang songoni pe sian bagasan ( digoari mai manang pamola-mola) sehingga tubu angka naso tinagam ni roha mantak tu hasasega ni punguan dohot angka pardonganon.
Tarlumobi songon halak Farise nang saluhut angka donganna na kompromi di laho mangunjuni Tuhan Jesus, berupaya do nasida boha ma asa gabe mantak tu pangaloan namang menentang tu angka panggomgomi alus ni Tuhan Jesus. Asa tibu masuk nian Tuhan Jesus tuparuhuman, ala merasa nasida gabe terusik di Pelayanan ni Tuhan Jesus.
Huria ni Tuhan dibagasan Goar ni Tuhan Jesus Kristus, sasintongna hita dipodai hata ni Debata do hita saluhut asa unang patubu gasa dompak donganta (Poda 3 : 29 ).
2. Pasahat ma natama na ingkon sipahaton mu
Taringot tu napasahathon, diturpuk on di ajari do hita adong 2 sipasahaton:
1. Pasahathon na sian kaisar tu kaisar
2. Pasahathon na sian Debata tu Debata
Andorang so sahat hita tu na dua hal sinangkaning i, porlu ta antusi bahwasana salah satu tantangan na diadopi Tuhan Jesus dibagasan pardalanan ni Pelayanan-Na di Jerusalem, justru ro sian angka pemuka agama Yahudi sinangkaning ima angka halak Farise dohot angka donganna kompromi dohot Halak Herodean. Alasan dipangke angka halak Farise naposo ni si Herodes (Herodean), ima asa adong alasan na kuat melapor tu kaisar bahwasana molo asing pandohan ni Jesus na mangalo kaisar. Dohot tujuan ni Farise i pe asa tercapai ma nian asa barani Tuhan Jesus mandok sesuatu manang sidohonon namanentang kaisar manang mangalo pamarenta Romawi. Alai taida ma aha respon ni Tuhan Jesus di nalao menyikap sungkun-sungkun i ? dison halongan do di roha ni jolma di alus ni Tuhan Jesus namandok : Lehon ma na tu kaisar sian kaisar, tu Debata sian Debata.
1. Lehon Ma Sian Kaisar Tu Kaisar
Pada dasarna adong 3 pajak na ingkon dilean tu pamarenta Romawi:
v Pajak Bumi : * 1/10 hasil ni Gandum
* 1/5 hasil ni minyak dohot anggur
v Pajak Penghasilan : 1 % Sian Penghasilanna
v Pajak Kepala : Wajib ingkon digarar saluhut baoa 14 - 65 taon = 1
Dinar.
Adong do hata ni Tuhan Jesus menentang kaisa ? napastina daong ! dison justru hita patut pasahathon tu patumonaana. Direspon ni Tuhan Jesus dang melarang sebagai masyarakat laho manggarar pajak. Dalam artian, boe do manggarar pajak ? alusna boe. Di Roma 13 : 6 - 7 didok hata ni Debata : “ Ala ni i garar hamu ma nang beo i, ai parhobas ni Debata do nasida; tusi do nasida disuru. Tu ganup ma lehon hamu na tama tungguonna: Beo tu na patut manjalosa, sohe tu na ture hasahatanna, biar tu na tama habiaran, hormat tu na talup hormatan”. Sebagai warganegara, hita puna kewajiban lao tu negarata. Ima mangihuthon angka ruhut dohot aturan nang undang- undang na berlaku. Hita sebagai warga negara na burju, napastina ingkon mangulahon peraturan dohot undang-undang na berlaku di Indonesia. Salah satu contoh aturan na pinatupa ni Pamarenta, ima wajib menggunakan masker, cuci tangan, dohot jaga jarak lao mangantisipasi penyebaran Covid 19, jala ingkon tahunton do i jala taulahon do i sebai warga negara hita. Alana ulaon i ima ulaon nadenggan na pinatupa ni Pamarenta tu hita sebagai bentuk kepedulian di hita lao manjaga kesehatanta. Nagabe perpanjangan tangan ni Debata asa marbisuk hita lao menghadapi Covid 19 on.
Diajari hata ni Debata do hita asa marroha na unduk hita di panggomgomi manang pamarenta na mangulahon ulaon na denggan (Titus 3:1). Alana namamillit panggomgomi i Debata do i (Roma 13 : 1) “ Unduk ma ganup di panggomgomi na marsahala; ai ndang adong sahalana, ia so sian Debata, Debata do mangaturhon nasida”.
Sude hita ingkon wajib mambayar kewajiban tu negara sebagai bentuk ni hita kepeduliaanta tu negara, jala termasuk parbue ni haporsean do i nang songoni haunduhon maradophon panggomgomi naung ditotophon Debata di negarata.
Alai porlu ta ingot dang boe hita mangalean hak ni Debata tu Kaisar, misalna : Sisombaon manang dianggap gabe Tuhan kaisar i. Jelas on ingkon ditolak, di Ulaon ni Apostel 5 : 29 didok “Ingkon oloan do iba di Debata asa di jolma”.
2. Lehon ma tu Debata na sian Debata
Huria ni Tuhan na ni haholongan dibagasan Goar ni Tuhan Jesus, hita naung mananda Tuhan Jesus Kristus, Tuhan Sipalua dingolunta, porlu hita ingkon menyadari saluhut kepenuhan ni ngolunta ima sian Debata. Debata parasi roha namusarihon saluhut ngolunta dohot nasa naadong dihita. Namangalean hosa hangoluan, namangaramoti hita. Patut tapasahat tu Debata nasa ngolunta, ai sian Ibana mula ni hangoluanta. Tangkasi dirim, rajumi dirim, tanda dirim, ingot dirim sude na i ala holan asi dohot silehon-lehon ni Debata do i. Unang halupahon Ibana, sihol do roha-Na dihita, asa rap ma hita sauduran pasahat hon nasa ngolunta tu Ibana. Unang alani aturan ni Pamarenta diportibion, gabe pamagohon identitasta sebagai warga harajaon ni Debata, namarpangalaho harajon Banua Ginjang. Na hagagok ni ngoluna bergantung penuh tu Debata, ala sadar hita disaluhut nasa ngolunta holan ala ni Debata parasi roha I.
3. Alani Ulahon ma Nadenggan Dingolum
Gombaran ni Identitasta namangolu di Portibion, ingkon pataridahon sikap pangalaho harajaon banua ginjang. Tarida do i di ulaonta, parsaoranta namarnegara nang, parsaoran nang namarhuria. Naso adong masa tubu roha naso denggan maradophon dongan. Ulaon denggan tubu sian parbue ni haporseaon, na tasadari alani hagagok ni ngolunta sian Debata. Dibahen i, angka na marhaporsuhon mangihuthon roha ni Debata, dipasahat ma tondina tu Panompa haposan i, marhitehite na mangulahon na denggan. Alani ulahon ma na denggan * Amen *
DEBATA MANGARAMOTI🙏
ReplyDelete